चला बोलू या इंग्लिश विंग्लिश
मित्रांनो, आपण मराठी माध्यमात शिकलेल्या अनेक जणांना एक न्यूनगंड असतो की आपण सफाईदार इंग्रजी बोलू शकत नाही. आणि त्यामुळे अनेक ठिकाणी आपली छाप पडत नाही असे आपल्याला वाटते. आपले घरचे आणि शाळेतले सगळेच मराठीत बोलतात. त्यामुळे आपण मराठीतच मनातील विचार व्यक्त करू शकतो. आपल्याला शाळेत इंग्रजी शिकवताना फारस संभाषण शिकवलं जात नाही. तसेच परीक्षेमध्ये व्याकरणाची चूक झाली तर मार्क कापले जातात. आपल्या शाळेत इंग्रजी लीहिण्या वाचण्यावर जास्त भर असतो. इंग्रजी संभाषण करण्याकडे फार कमी शाळा लक्ष देतात. कधी तरी इंग्रजी च्या तासाला आपण इंग्रजीत संभाषण सुरू करतो. परंतु आपण व्याकरणाचे नियम पाळतो आहोत ना, योग्य शब्द बोलतो आहोत ना ह्याची खात्री नसल्याने आपण आत्मविश्वास गमावून बसतो. तसेच न जाणो चूक झाली तर शिक्षक ओरडतील आणि वर्गमित्रांसमोर फजिती होईल म्हणून आपण इंग्रजी बोलायला घाबरतो. आणि इंग्रजी बोलण्याचा सराव नसल्यामुळे आपल्यात एक न्यूनगंड तयार होतो. तो न्यूनगंड बाजूला करून थोड्या सरावाने आणि अभ्यासाने तुम्ही सफाईदार इंग्रजी बोलू शकता. काही सोपे उपाय मी माझ्या अनुभवातून तुमच्यासाठी घेऊन आले आहे. 1...